Тера Мадре Балкан 2016, Тирана
03 Jun 2016 | Macedonian

Настанот се одликува со Пазар на Фармери на кој ќе присуствуваат повеќе од 50 заедници за храна на Тера Мадре од Балканскиот регион
Отварањето на четвртото издание на Тера Мадре Балкан, од 2-5 јуни во Тирана, Албанија, ќе започне со церемонија во присуство на Едмонд Панарити, Министер за земјоделство, рурален развој и водостопанство; Милва Економи, Министер за економски развој, туризам, трговија и претприемништво; Мирела Кумбаро, Министер за култура; Ерион Велиај, градоначалник на Тирана; Алберто Кутилјо, италијански амбасадор и Карло Петрини, претседател на Слоу Фуд.
Четвртото издание на Тера Мадре Балкан е организирано од страна на ВИС Албанија со поддршка на Слоу Фуд, во партнерство со Министерството за земјоделство на Албанија, Министерството за економски развој, туризам, трговија и претприемништво, Општина Тирана и Агенцијата во Италија за меѓународна соработка.
Овој настан на едно место соединува 350 делегати од 12 земји (Босна и Херцеговина, Бугарија, Хрватска, Грција, Косово, Црна Гора, Република Македонија, Романија, Србија, Турција, Италија и Албанија).
Како суштински дел од настанот, централниот дел од Плоштадот Мајка Тереза ќе биде домаќин на Пазарот на Фармери, каде 50 штандови на посетителите ќе им дадат можност да откријат голем број на селектирани производи од заедниците на Тера Мадре, Президиумите на Слоу Фуд и „Арка на Вкусови“ (каталог на Слоу Фуд на загрозени производи).
Президиумите на Слоу Фуд и претставниците од повеќе од 50 заедници за храна на Тера Мадре ќе учествуваат на пазарот од различни земји:
- Албанија ќе биде претставена од страна на Президиумот Мишавин – сирење произведено од 17 фамилии во Келменд, регион кој се наоѓа на север – и Президиумот Слатко од Пермет, слатко произведено од повеќе видови на овошја и зеленчук кои се одгледуваат во горниот дел на долината од реката Вјоса, во јужниот дел на Албанија. Покрај, заедниците за храна на Тера Мадре од Албанија ќе присуствуваат и производители на маслиново масло од Елбасан, лозарите од Калимет и прозиводители од областа Лепуше. Готвачите од мрежата Алијанса на Готвачи во Албанија исто така ќе учествуваат на настанот.
- Од Босна и Херцеговина ќе се претстави Президиумот Пожегача – Слатко од Сливи – кој го заштитува производството на традиционалното слатко произведено од автохотона сорта на сливи Пожегача, како и двете заедници за храна Тера Мадре: производителите на гравот Пољак од регионот Требење и производителите на пченка од Попово Поле.
- Од Бугарија ќе се презентираат четирите Президиуми: зеленото сирење од Черни Вит, Каракачанската овца, Смилјанскиот грав и Меурче кое претставува извонредна преработка на месо ставено во свински меур и обложено со пепел.
- Од Хрватска: лукот Шарац од Лјубитовица и новиот Президиум Вареник од полуостровот Пељешац кој од секогаш бил центарот на Далматинското лозарство.
- Од Република Македонија ќе бидат презентирани пет од нивните традиционални производи: Сирењата од Мавровско-реканскиот регион, македонскиот мед, слаткото од диви смокви, виното Станушина и буковската пипер, Президиум кој беше основан со цел да им помогне на производителите во селекцијата на нивното семе како и за одржувањето на чистотата на оваа сорта на пипер. Учениците од средното училиште Лазар Танев се вклучени во едукативните работилници за вкус и нутриција кои ќе пристигнат од Скопје.
- Романија: преку двата Президиуми, свињата Базна и слаткото од различни видови на овошје од селото Саксон, ќе се пренесе традицијата на локалните заедници од Трансилванија. На овој настан ќе присуствуваат и производителите на слаткиот црвен кромид од долината Ариес, претставници од едукативната заедница од Брустораса и Паланца, како и Д-р. Иан Ратиу од детската едукативна програма од Турда.
- Од Србија ќе присуствуваат неколку прозводители на Гледич црвена ранка ракија од слива која претставува еден вид на ракија направена во срцето на Шумадија, регион кој одсекогаш е познат по квалитетот на сливите. Исто така ќе бидат присутни уште две заедници за храна на Тера Мадре: производители на зелка од селото Футог и производители на ајвар од Лесковац.
- Турција ќе се претстави со Президиумот за сирење Богатепе Гравиер, кое е едно од неколкуте гравиер сирења во Карс кое сеуште се произведува во планинските пасишта употребувајќи исклучиво сурово млеко. Исто така ќе се претстават и производители од Пазар на Фармери од Фоча и градините од неколку историски градови од Истанбул, заедно со активисти од кампањата за Бавно масло.
Во програмата на Тера Мадре Балкан 2016 се вклучени и дегустации, концерти, работилници и конференции.
Некои од темите за дискусија се:
- „Борбата против гладот во светот“- Томас Поге, професор на Универзитетот Јале кој е и водечки светски експерт за сиромаштијата и човечките права. Ќе се претстави со неговото размислување за намалувањето на сиромаштијата и улогата на храната.
- „Пристап до пазари, пристап до можности“ – да се истражат можностите и ограничувањата во пристапот до пазарите за малите производители на Балканот и во ЕУ, како и во земјите кандидати кои се во процесот на усогласување со ЕУ законите.
- „Фармерите на прво место“, Меѓународна научна конференција – да се изгради една широка мрежа на академици и истражувачки институции за биодиверизтетот на храна и одржувањето на растителните генетски ресурси; финансиски или нефинансиски бариери кои ги спречуваат малите производители на храна во пристапот до пазари.
- „Одржлив рурален туризам, агротуризам и повеќенаменски пристап во земјоделството“ – да се истакнат некои од најдобрите искуства кои се појавија до сега, како и нови начини за туризмот да претставува поттик за локалниот развој; да се истражи придонесот на традиционалната храна кон социјалната, економската и еколошката одржливост во она што денес е дефинирано како повеќенаменско земјоделство.
- За целосната програма нанастанот и програмата за конференции: http://www.essedra.com/biodiversity/terra-madre-balkans/
Овој настан е организиран во рамките на проектот на ЕССЕДРА, кофинансиран од Европската Унија со цел подршка на процесите за европска интеграција на земјите од Балканот и Европа преку зајакнување на граѓанското општество и нивните капацитети со цел да влијаат на политиката и промоцијата на одржливите модели за рурален развој.
После три изданија во Софија (2010, 2012) и Дубровник (2014), мрежата на Тера Мадре Балкан ја избра Тирана за ова четврто издание. Тера Мадре Балкан е првата мрежа од овој вид кој ги обединува заедниците за храна од неколку земји во ист регион. Слоу Фуд и Тера Мадре формираа длабоко-вкоренета мрежа во регионот со неколку илјади поддржувачи, 24 Слоу Фуд Президиуми, 100 заедници за храна, 50 готвачи, 15 едукативни програми за нутриција и дегустација во училиштата и околу 280 производи од Балканот кои се наоѓаат на Слоу Фуд листата на каталогот на Арка на Вкусови.
За повеќе информации и интервјуа ве молиме контактирајте ги:
Slow Food International Press Office
Paola Nano, +39 329 8321285, [email protected], [email protected]
Slow Food Area Coordinator for the Balkans
Michele Rumiz, +39 0172 419 746, [email protected]
Event Coordinator and leader of VIS Albania
PierPaolo Ambrosi, +355 68 205 6693
[email protected], [email protected], [email protected]
Media Coordinator for Albania
Mira Tuci, +355 69 4062218, tucimira@gmail.com
Слоу Фуд вклучува повеќе од еден милион луѓе кои се посветени и пристрасни за добра, чиста и правична храна. Вклучува готвачи, млади, активисти, земјоделци, рибари, експерти и научници од околу 160 земји; мрежа со околу 100 000 членови кои се поврзани во 1 500 конвивуми, придонесувајќи преку нивното членство како за настани така и за кампањи кои ги организираат; и околу 2 400 Тера Мадре заедници за храна кои го практикуваат малото и одржливо производство на квалитетна храна низ целиот свет.

Change the world through food
Learn how you can restore ecosystems, communities and your own health with our RegenerAction Toolkit.